சான்றிதழ்கள், வங்கி கணக்கு போன்ற விவரங்களை குறிப்பிட்டால் பயண சீட்டு வழங்கப்படும் என தெரிவிக்கப்பட்டுள்ளது.
பணம் இல்லாமல் விமானத்தில் பயணிக்கும் திட்டத்தை, ஸ்பைஸ்ஜெட் விமான நிறுவனம் அறிமுகப்படுத்தி உள்ளது.எளிய தவணை முறையில், வீட்டு உபயோகப் பொருட்களை வாங்குவது போன்று, தனியார் விமான நிறுவனமான் ஸ்பைஸ்ஜெட்,
அவசரமாக பயணம் செய்வோருக்கான புதிய திட்டத்தை
அறிமுகம் செய்துள்ளது. இத்திட்டத்தின்படி, கையில் பணம் இல்லையென்றாலும்,பயணம் செய்து விட்டு, பிறகு, அதற்கான பணத்தை தவணை முறையில் செலுத்தும் வகையில் வழிவகை செய்யப்பட்டு உள்ளது.
ஸ்பைஸ்ஜெட் விமான நிறுவனத்தின் இணையதள பக்கத்தில் உள்ள, walnut 369 என்ற பக்கத்தின் மூலம் விமான டிக்கெட்டை முன்பதிவு செய்து விமானத்தில் பயணம் செய்யலாம். விமான பயணத்திற்கு பின்பு விமான கட்டணத்தை 3, 6, 9 அல்லது 12 தவணைகளில் செலுத்தலாம். தவணை முறையில் விமான பயண சீட்டு வாங்குபவர் தகுந்த ஆவணங்கள் முழு விவரம், வருவாய் அல்லது சான்றிதழ்கள், வங்கி கணக்கு போன்ற விவரங்களை குறிப்பிட்டால் பயண சீட்டு வழங்கப்படும் என தெரிவிக்கப்பட்டு உள்ளது.
இந்த திட்டம் குறித்து, ஸ்பைஸ்ஜெட் நிறுவனத்தின் வணிகப் பிரிவின் தலைமை அதிகாரி ஷில்பா பாட்டியா தெரிவித்ததாவது:
நிறுவனத்தின் இந்த புதிய முயற்சியின் மூலம், பயணிகளின் பட்ஜெட்டுக்கு ஏற்ப விமானத்தில் பயணம் செய்ய முடியும்.
இதுவே நிறுவனத்தின் முக்கிய நோக்கம்.
மேலும், தவணை காலத்திற்கு முன்பே ஒரு வாடிக்கையாளர் கடனை முடிக்க விரும்பினால், அவர்கள் அதையே செய்யலாம். அதற்கு முன்கூட்டியே கட்டணம் வசூலிக்கப்படாது.
